Notre site internet vient d'évoluer, notamment pour rendre plus claire la présentation des résultats des recherches (toujours plus abondants à mesure que nous ajoutons de nouveaux inventaires). Il est possible que ces résultats ne soient plus cliquables sur votre écran. Pour résoudre cette difficulté, il faut taper ctrl+maj+suppr pour accéder au menu permettant de vider le cache. Pour votre téléphone, ou si cela ne fonctionne pas, il suffit, pour trouver la procédure, de rechercher "vider le cache", suivi du nom de votre navigateur, sur votre moteur de recherche favori.
Document 11 - Mariage de Jeanne, fille de Philippe de Montfort, et Guyon, fils de Renaud de Forez
S.I. - 1268, décembre
Lettre patente sous forme de charte
Louis IX, approuve les transactions passées entre Renaud, comte de Forez et Philippe, chevalier de Montfort, pour la constitution d'une dot en vue du mariage de Jeanne, fille de Philippe de Montfort, avec Guyon, fils de Renaud.
Archives départementales de la Côte-d'Or, B 572
1 Looys par la grace de Dieu roi de France
2 faison assavoir à touz ceus qui ces presentes leitres verrront
3 que, en nostre presence establiz,
4 nostre amé et nostre fael Renaut cuens de Forois reconnut
5 que nostre amé et nostre fael Phelippe de Montfort, chevalier, fiuz le seigneur de Sur, avoit doné en doaire à Jehanne sa fille douze mile livres de tornois
6 en mariage qui s'en devoit suyr entre celle Jehanne et Guion, fiuz du dit conte et de Ysabel, fame du devant dit conte,
7 dont il se tenoit apoié de noif mille livres, et le remenant estoit aterminé à certains termes,
8 si come il disoit estre contenu en unes leitres que il montra par devant nos, seellees de son seel, si come il disoit, le quel mariage estoit ja ensuy, si come il disoit, et faiz.
9 Et reconut que il et la devant dite conteisse Ysabel, sa fame, avoient doné, otroié et assené en doaire à la devant dite Je hanne le chastel de Lay, assis en la terre de Beaujeu, et le chastel de Champbeon, assis en la terre de Forois, à toutes les joustices et les apartenances des diz chasteaus,
10 en tele maniere que, contees les values et les yssues et les rentes des diz chasteaus et des apartenances, lidiz cuens et Ysabel sa fame, deivent parfaire à celle devant dite Jehanne deus mille livrees à tornois chascun an de rente, à tenir toute sa vie, se il avenoit que elle seurvesquist le dit Guion son mari,
11 à asseoir au dit de deux prudomes, au plus pres des diz chasteaus, en rentes et en homes o toutes leur seignories et leur joustices,
12 c'est assavoir, por la partie du conte dessut dit, Pierre Mauvoisin, chevalier, et por la partie du dit Phelippe, Jehan de Bullas, chevalier,
13 en tele maniere que se il en mouroit aucun d'iceus deus, que la partie de celui qui morroit en i peust meitre un autre,
14 et se li dui ne se pooient acorder, que nos i-meisseins un tierz qui fust par desus.
15 Et por-ce que il porroit avenir que la devant dite Jehanne mourroit sanz heir d'icelui Guion avant que celui Guion, son mari,
16 voult et otria li devant diz cuens par devant nos que, se insi avenoit, et le promist par leial promeisse et par son seirement
17 que il rendroit au dit Phelippe ou à ses heirs, ou à ceus ou à celui qui avroient cause de lui en ses biens, les devant dites douze mille livres de tornois ou ce qui en seroit poié ;
18 et, por ce faire et aemplir, li devant diz cuens en a obligié au dit Phelippe et à ceus qui cause avront de lui touz ses biens, en quelque choses que il soient, et touz ses heirs et nomeement et especialment les deux chasteaus desus diz et toutes leur apartenances et les fortereices nomeement des diz chasteaus.
19 Et voult et otroia que li devant diz Phelippes entrast tantost sanz mes faire en la seisine des diz chasteaus et fortereices et des apartenances et en toutes les deus mille livrees de terre que l'en li avroit assises ou devroit assoi oit,
20 se il avenoit que la devant dite Jehanne moreüst sanz heir de son cors avant que ledit Guion, son mari, si comme il est dit par dessus,
21 et que il espleistast les devant dites choses et en preist les rentes et les yssues, ou si heir, s'il defailloit de lui,
22 jusquà tant que il reeüst recovrees toutes les douze milles livres de tornois devant dites, ou ce qui paié en-seroit, contees les deux mille livrees de terre chascun an en paie de les douze mille livres ou de ce qui en-seroit receü.
23 Et se il avenoit que la devant dite Ysabel, contesse, venist encontre ceste convenance, ou par reison de doaire ou de heritage ou autrement,
24 li devant diz cuens obliga lui et ses heirs et touz ceux qui avroient cause de lui en ses biens à feire restor avenant au vaillant des dites choses, en chasteaus et en rentes,
25 et voult et otroia li diz quens que, se il ou si heir venoient en aucuns tens encontre, que nos les contrainsison à tenir, à guarder et à emplir les convenances devant dites.
26 Et en tesmoig de ces choses, nos, à la requeste du devant dit conte, avon feit seeller ces presentes leitres de nostre seel.
27 Ce fu feit en l'an de l'incarnacion nostre Seignor mil deus cenz et soissante et wit,
28 ou mois de decembre.