archives.cotedor.fr

Archives départementales de la Côte-d'Or

Notre site internet vient d'évoluer, notamment pour rendre plus claire la présentation des résultats des recherches (toujours plus abondants à mesure que nous ajoutons de nouveaux inventaires). Il est possible que ces résultats ne soient plus cliquables sur votre écran. Pour résoudre cette difficulté, il faut taper ctrl+maj+suppr pour accéder au menu permettant de vider le cache. Pour votre téléphone, ou si cela ne fonctionne pas, il suffit, pour trouver la procédure, de rechercher "vider le cache", suivi du nom de votre navigateur, sur votre moteur de recherche favori.

Vous êtes ici : Archives départementales de la Côte-d'Or /

Document 11 - Mariage de Guillemette Collard

123 J-0121 septembre 1547.— Fonds Fyot de Mimeure.
Lettre de Pierre Damant, de Bruxelles, à son beau-frère Odot Collard, à Dijon, à l’occasion du mariage de sa fille Guillemette Collard.

Archives départementales de la Côte-d'Or, 123 J (en cours de classement). 

 

[Page 1 :]
Mon frere, de bon cueur a vous et a ma seur je me
recommande, estant tres joyeulx de ce que m’escripvés que
ma niepce Guillemette est dame des nopces avec ung
si honneste personnaige. Affin de satisffaire a ma promesse,
je vous envoye pour recouvrer les cinq cens escus
soleil du tresorier de Dole, et recognoissance generale, Mouchet
comme j’ay promis donner pour l’anoncement dudit mariaige,
estant prest fere du semblable pour la IIe quant
aussy luy treuverés party convenable. Je vous prie
me recommander affectueusement au sire des nopces
qui m’a escript fort honnorablement. Je me souaide
a la feste avec ma compaignie. Dieu leur doint
paix et amour perdurable ensamble. Il me plaist
bien qu’il est homme de lettre et savant comme m’escripvés,
et avec ce issuz de gens de bien. Si il est chose
ou je puisse pour eulx, ils me treuveront bon oncle,
car j’ayme vos enffans comme les miens. Vous verrés
ce que j’escriptz audit Mouchet ; je sçay qu’il ne fera
faulte a la delivrance dudit argent. Et en cas
qu’il le face, mandés le moy, et incontinant vous 
envoiray lettre pour le recouvrer a Besançon d’ung
bon marchant. Ne recevez que escus si vous ne
voulés, car je le veulx aussi estre paié.
Je vous prie de fere mes recommandations et de ma femme
partout aux parens et amys, et dire a Mademoiselle
Coutault, ma bonne cousine, que je luy mercie grandement
l’amyté qu’elle nous demonstre de s’estre emploié
en ce mariaige, comme m’escripvés. L’asseurement que si il 
 

123 J-02[Page 2 :]
estoit chose en quoy luy pohisse fere plesir ou service,
je le feroye comme a ma propre seur. Jacqueline
ma fille se recommande aussi a sa bonne grace.
Pleusist a Dieu que par souay vous pohissiés tous
estre icy après vostre feste passée pour vous fere 
bonne chere. Vous me serés tous plus que les 
très bienvenuz.
De mes escolliers ilz sont a Paris avec leurs mestres dois
la Caresme passée. Nostre sire en face son bon
plaisir. Il leur fault aventurer pour en fere de
gens de bien. Ilz n’auront faulte de chose que se
soit non plus que enffans de prince.
J’ay le tout veu et entendu du religieulx Boisot
qui est menteur et faict bien de collorer son
affere comme il fait. Il me suffit qu’il m’apert de
ce que m’avez envoyé.
Je vous mercie vos esguillettes, j’en ay pour ma
vye. Dieu grace, je me pourte bien aussi
fait ma femme et le mesnaige qui sont
bien aise de ce que vostredite fille est dame
des nopces.
Vous m’escuserés que je n’escript a autres. Il m’est
impossible a cause d’afferes que j’ay presentement
venir. La Royne ma maistresse, il n’y a 
gueres que vous ay escript mesmement par ledit 
Mouchet, que ne fait que party de par deça pour

 
[Page 3 :]
s’en retourner par delà. Si n’avez reçu mon pacquet,
vous le recevrez. Il vous viendra a plesir,
car si la chose sortit effect comme j’espère, elle
fera et que bien la conduirés, il vous proffitera
XVI ducatz d’or de rente par an et les arerraiges
de XIII années. Je vous souaide du bien beaulcoup
car, Dieu grace, je me contante.
Si j’obmetz quelque chose, vous le supplirés pour
ceste fois. N’obliés expressement de noz recommandations
a Monsieur le chanoine Coutault et a Mademoiselle
la vesve Mougeot que j’ayme singulièrement, et
a son mary.
La vesve Coutault est a Malines, je luy envoiray
tout a ceste heure vostre lettre.
Pour ce que je ne veulx ce pourteur viegne a voz despens,
je luy ay donné ung escu a cause qu’il disoit
il estoit court d’argent et IIII escus qui sont icy
mis pour le prepaier de son voiaige.
Mon frere, je prie Dieu vous donner longue
vie en bonne santé. De Bruxelles ce XXIe
de septembre a° [anno] XLVII

Vostre, comme propre frere
Pierre Damant.

123 J-03[Page 4 :]
Monsieur le secretaire
Maistre Odot Collard
mon bon frere
a Dijon


[Note postérieure : ]
De Bruxelles 1547, ou il 
parlé du mariage dou ( ?) fille
de M. le secretaire a ladite.

 

> version imprimable